（香港活動）7-Eleven Run 2024輕鬆跑🏃‍♀️科學園

又到秋天，各活動都活起來動起來（請自行加上配音）！今次首先推介11月的科學園的7-Eleven Run 2024！

7-Eleven Run 2024跑手包

大家有跑開比賽的都知道，所有比賽都要付費（廢話），所以選手包好重要，入面基本上是你去跑時的報名費包埋，所以付出最少就梗係想得到最多。今次跑手包都算可以啦，$350元有包含活動紀念Dry-fit T恤1 件 （共2款; 款式自由選擇）、7-Eleven 型格隨行袋1個及卡通精品和零食飲品等。暫時目測心算都值回票價，正所謂又有得跑，又有嘢帶走，可以一戰。

跟以往不同的是今年有全新打造，設計獨特的「賽事完成紀念獎牌」，所有完成賽事的參加者就可獲得一枚。

長度有得㨂：7-Eleven Run 2024

至於跑的長度都有得㨂，但報名費及跑手包就沒分別，大家快去報名：https://7-eleven.sportsoho.com/zh-hant！一如去屆，「7-Eleven Run 2024」分別有三公里及十公里賽事，適合不同人士挑戰自己！真是男女老幼都啱玩！

下面有宣傳圖，完成賽事的牌都算不錯！希望日後再追加 15Km或半碼！

各項賽事報名費為$350，現已接受報名，名額有限，額滿即止。剛剛上了去Sportsoho的站，他們是主辦單位之一，還有名額，而且可以組隊跑 10KM！大家要報就快手啦！

各位跑友要快報名呀，我就報咗了，至於跑步就梗係要跑鞋啦，可以參考一下我們推介的波鞋outlet，買一對outlet版本跑鞋到時參賽，無論如何到時見！