2025年新春逗利是購物指南（二）去市集～！

用香港廣東話收聽此文章

Getting your Trinity Audio player ready...

如果大家有Follow我哋，相信已換了不少又靚又有特式利是封了。今時今日過年真係不再一定去維園行花市，一來維園花市真係主力賣花為主，好多乾貨及玩意都沒有，除了傳統同老豆阿公去之外，真係比我㨂都會去特式商場逛下，至少逛完重可以搵食同埋交通/泊車方便啦～今日誠意搵介幾個新年市集。

推介一：連犬都鍾意：利園區「噼哩啪啦新春市集」

早兩天已介紹了，大家可以再看一次。人犬貓由打卡到打牌都有得玩～而且戶外戶內都有嘢玩，算是咁多個場中最開放一個場了！而且位於CWB中心地帶，玩完大把嘢食大把嘢買！

日期及時間：	2025年1月27至31日（年廿八至年初三）1月27及28日：下午２時至９時（只有白沙道市集部分開放） 1月29日至31日：下午２時至７時
地點：	香港銅鑼灣白沙道及啓超道

推介二：「mikiki 港式情懷賀新年」

見到Mikiki就知要用The Point ，會員憑指定即日消費，亦可於1月25日（星期六）換領由書法大師Brandon Tsang即席揮毫的「賀年揮春」一張，寫滿新一年的溫馨祝福。至於 25號唔得閒，可以26日（星期日），憑指定消費，可換領賀年造型扭扭氣球，倍添賀年氣氛！

大家又可以係2月1日及2日，即年初四、年初五，財神出巡大派賀年金幣朱古力。另外，於2月8日及2月9日憑即日指定消費，換領港式懷舊糕點龍鬚糖及糖蔥餅，新一年一同感受昔日甜蜜滋味。

市集日期：	即日起至1月28日
時間：	11am – 9pm
地點：	Mikiki地下中庭A區

財神大派賀年金幣
日期：	2025年2月1日至2日（年初四、年初五）	初四先有財神，要記住日子！
時間：	2:30pm – 5:30pm
地點：	Mikiki 各處
內容：	福氣滿滿的財神將會大駕光臨Mikiki，為各位顧客送上新年祝福，並大派賀年朱古力金幣！

正所謂：*活動受條款及細則約束，詳情請參閱場內宣傳品或向顧客服務中心職員查詢。*活動如有任何更改，恕不另行通知。所以去到Mikiki記住問清楚呀～

推介三：life@KCC乙巳蛇年呈獻貓肥屋潤

貓同蛇一齊會點我都唔知，所以要去睇下啦，入面有市集。KCC唔係九龍木球會呀，係葵涌葵昌路72至76號 (葵興港鐵站E出口直達)，不要去錯。

至於市集外重有：4米高幸運招財喵，揮春醒獅同埋財神～～此外重有埋新春特色工作坊，如果週末到訪可以係開運市集消費滿指定金額換領３大新春獎賞：利是封、賀年禮品及餐飲禮券。大家睇住時間及日子去啦～

新春開運市集
日期：	1月18至26日(逢星期六、日) ；2月8日至23日(逢星期六、日)
時間：	下午12時至晚上7時
地點：	life@KCC 3樓

推介四：朗豪坊x白紙市集 x Cheap century – 【蛇王到！新年市集】新春報喜

於今日起至1月28日（年廿五至年廿九）更加開新春年宵市集，由大麻成駐場，並邀請到多個本地熱門YOUTUBE頻道創作團隊，包括試當真、JFFT及人氣KOL柿柿Chichi 參與，設有獨家攤位發售一系列賀年新品。試當真、JFFT的成員和柿柿將於年宵期間突發快閃擔任檔主，親臨現場與粉絲互動。粉絲們可購買他們獨家設計的限定新年商品，歡度新春佳節，祝願新年人氣旺盛，笑聲不斷！

相信會最適合各試當真、JFFT及人氣KOL柿柿Chichi 粉入場！記住帶埋老豆阿媽阿公阿婆入場！

【白紙市集 x Cheap century – 蛇王到！】年宵市集
日期	即日至1月27日（年廿五至年廿八）	2025年1月28日（年廿九）
時間	正午12時至晚上9時	正午12時至晚上10時
地點	朗豪坊7樓、9至12樓

推介五：新城市廣場市集

LOG-ON今年會係新城市廣場攪快閃市集，有Plastic Thing 為食妹陪你準備新年，「Plastic Thing 『恭喜FAT財』快閃店」推出多款限定新品，包括：新年派對必備透《明撲克牌》及《魚蝦蟹遊戲套裝》、送舊迎新小幫手《為食妹抹布小拖把》及拜年必備《為食妹跨身包》等。此外，同場亦設有多款人氣卡通角色新年限定產品、年花及賀年食品，一於新年前大量入手，準備迎接蛇年。